【客華雙語】賴清德：大家係共心黃泥變成金　全國客家日提「客家新六大行動方案」
發佈日期：2024-01-02 00:00:00
發佈單位：客家委員會
發佈部門：
原始連接：https://www.hakka.gov.tw/chhakka//app/data/view?module=hotnews&id=25&serno=47405

【客語版】

12 月 28 號係全國客家日，客家委員會 28 號在新莊典華飯店舉辦「2023 客家貢獻獎表揚典禮暨全國客家日紀念活動」，副總統賴清德在客委會主任委員楊長鎮陪同下出席典禮，還過頒獎表揚 9 位客家貢獻獎得主，賴副總統特別感謝每一位得獎者對客家事務、臺灣社會个貢獻，肯定客家鄉親係推動臺灣社會進步个重要力量，乜希望「大家係共心，黃泥變成金」，共下來打造靚靚个客庄文化榮景。

賴副總統表示，希望未來有機會推動「客家新六大行動方案」，持續發揚客家文化，這六大方案包括「公共客家」－客語成為公共服務个基礎，「青年客家」－後生人以客家為榮，持續傳承客家文化；「飲食客家」－推動客家美食文化產業，還過代表臺灣行向世界；「文創客家」－推動客家相關創意產業，宣揚客家文化，「區域客家」－持續推廣發揚現有个客庄 369 政策；落尾，係「世界客家」，以世界客家博覽會做起點，使致臺灣成為世界客家个中心。

楊主委還講著，特別感謝賴副總統擔任行政院長任內，對客家政策个支持同推動，對修正客家基本法起勢，推動客語做國家語言，成為客家文化重點發展區个通行語；再過到恁多年來推動浪漫臺三線計畫、客庄 369 幸福計畫，對桃園个永安海螺文化體驗園區、乙未紀念公園、臺灣客家茶文化館等種種建設，因爭有前瞻預算个執行，又過有行政院个支持，同這兜經驗乜推行到六堆、臺九線等其他客庄地區。落尾，就係舉辦世界客家博覽會，分臺灣客家正式航向全球化，展現臺灣客家个軟實力。

另外，楊主委強調，全國客家日係屬於全國客家人个日仔，乜係全國人个客家日，希望做得在臺灣建立一個跨族群文化个公共領域，分歸個社會共享客家文化，也為社會多元文化發展帶來貢獻。楊主委以今年終身貢獻獎得獎者－張秋臺先生做例仔，佢用一生人个時間、心力，從事教育、文化，用畫筆畫下客家人在大地耕種个身影，受著大家个推崇，甚至分人喊做係「臺灣米勒」，其他个貢獻獎得主也各自在無共樣个領域表達佢兜對社會各界个關心、投入，客委會愛同參與客家文化復興个所有朋友表達盡高个敬意。

本屆 9 位客家貢獻獎得主包括記錄傳揚客庄藝術創作个終身貢獻獎張秋臺先生；領航公衛，致力防疫醫學个特別貢獻獎張上淳先生、轉譯客家，傳頌臺灣个呂紹嘉先生；深耕客語，建置臺灣客語語料庫个傑出成就獎「研究發展類」賴惠玲女士；致力傳承詔安客家布袋戲个「藝術文化類」廖昭堂先生；致力推廣傳承客家八音之田屋北管八音團；致力在社團聯結，探根都會个「公共推廣類」翁葉素榮女士；致力客家影視文學，詮釋當代客家个「傑出青年類」徐麗雯女士同致力客庄地方創生，守護客庄个邱星崴先生。佢兜長期投入客家事務个精神，還過對社會个重大貢獻，乜為後輩樹立典範。

楊主委在這日也表揚 87 位「2023 客家專業事務獎章得主」，藉這機會彰顯各界菁英煞猛為客家文化打拚个奉獻精神，還過特別表揚同感謝 3 間得著「多元文化企業社會責任客語友善企業獎」个企業，包括遠東百貨个竹北分公司，逐日早暗用客語播音，同時鼓勵員工參加客語認證，用母語服務在地鄉親；全家便利商店係舉辦細細客語店長活動，對相借問个話語到撿錢結數都用客語進行；中華郵政除忒推出客家節慶郵票，全國各地 135 間郵局服務人員（含志工）做得提供客語服務，營造客語友善環境。遠東百貨竹北店店長徐為興、全家整合行銷部副部長吳欣穎、中華郵政集郵處處長鄭麗華在領獎个時節表示，非常感謝客委會个肯定，未來會繼續傳承客家文化，營造客語日常使用環境，共下來同客語發展做生活語言。

客委會為著紀念 1988 年 12 月 28 號「還我母語運動」對客家語言文化復興同臺灣多元文化發展深遠个影響，在 111 年公告訂定做「全國客家日」。28 號个紀念活動特別結合客家貢獻獎表揚典禮，同時發布「一代人救轉客話政策綱領」，愛用 30 年來恢復客語語言活力到安全等級為總目標，希望完備機關法規，明確政府機關權責，透過公私相幫相𢯭還過結合相關措施，30 年後使致客語使用人口占客家人口个比率，提升到 70%个安全等級。

當日全臺灣有18 個縣市政府同鄉鎮區公所共同響應發起「全臺共下講客」推廣遊行，透過轉播，希望分大家深深體認著 35 年前客家有志之士行上街頭，大聲勸話「還我母語」个精神，對自家做起「𠊎講客，講，就著了！」，進一步發揮種子角色，在社區帶動脣項个人講客，共下推動客語社區營造工作。

客委會因應今年第一擺推動个「客語新校歌運動計畫」，乜在活動中特別邀請客家歌手劉劭希、羅文裕帶等小朋友用客語唱出新時代个聲音，進駐校園創作客語新校歌，提升學生對母語个認同。另外，在「少數族群語言論壇」，邀請國立中央大學王保鍵教授、國立政治大學王雅萍教授、國立臺灣師範大學張素貞教授，共下來探討仰般透過推動母語个經驗，激發出復振客語个政策新方向。

---------------------------------------

【華語版】

12月28日是全國客家日，客家委員會今（28）日於新莊典華飯店舉辦「2023客家貢獻獎表揚典禮暨全國客家日紀念活動」，副總統賴清德在客委會主任委員楊長鎮陪同下出席典禮，並頒獎表揚9位客家貢獻獎得主，賴副總統特別感謝每一位得獎者對客家事務、臺灣社會的貢獻，肯定客家鄉親是推動臺灣社會進步的重要力量，並希望「大家係共心，黃泥變成金」，攜手打造美麗的客庄文化榮景。

賴副總統表示，希望未來有機會推動「客家新六大行動方案」，持續發揚客家文化，此六大方案包括「公共客家」－讓客語成為公共服務的基礎，「青年客家」－讓年輕人以客家為榮，持續傳承客家文化；「飲食客家」－推動客家美食文化產業，並代表臺灣走向世界；「文創客家」－推動客家相關創意產業，宣揚客家文化，「區域客家」－持續推廣發揚現有客庄369政策；最後，則是「世界客家」，以世界客家博覽會為起點，讓臺灣成為世界客家的中心。

楊主委則提到，特別感謝賴副總統擔任行政院長任內，對客家政策的支持與推動，從修正客家基本法，推動客語為國家語言，成為客家文化重點發展區的通行語；再到多年推動浪漫臺三線計畫、客庄369幸福計畫，從桃園的永安海螺文化體驗園區、乙未紀念公園、臺灣客家茶文化館等種種建設，因為有前瞻預算的執行，再到行政院的支持，把這些經驗也推行到六堆、臺九線等其他客庄地區。最後，則是舉辦世界客家博覽會，讓臺灣客家正式航向全球化，展現臺灣客家的軟實力。

另外，楊主委強調，全國客家日是屬於全國客家人的日子，也是全國人的客家日，希望能在臺灣建立一個跨族群文化的公共領域，讓整個社會共享客家文化，也為社會多元文化發展帶來貢獻。楊主委舉今年終身貢獻獎獲獎者－張秋臺先生為例，他用一輩子的時間、心力，從事教育、文化，用畫筆畫下客家人在大地耕作的身影，受到大家的推崇，甚至被稱為「臺灣米勒」，而其他貢獻獎得主也各自在不同領域表達他們對社會各界的關懷、投入，客委會要向參與客家文化復興的所有朋友們表達最高的敬意。

本屆9位客家貢獻獎得主包括記錄傳揚客庄藝術創作之終身貢獻獎張秋臺先生；領航公衛，致力防疫醫學之特別貢獻獎張上淳先生、轉譯客家，傳頌臺灣之呂紹嘉先生；深耕客語，建置臺灣客語語料庫之傑出成就獎「研究發展類」賴惠玲女士；致力傳承詔安客家布袋戲之「藝術文化類」廖昭堂先生；致力推廣傳承客家八音之田屋北管八音團；致力於社團聯結，扎根都會之「公共推廣類」翁葉素榮女士；致力於客家影視文學，詮釋當代客家之「傑出青年類」徐麗雯女士及致力客庄地方創生，守護客庄之邱星崴先生。他們長期投入客家事務的精神，以及對社會的重大貢獻，亦為後輩樹立典範。

楊主委今也表揚87位「2023客家專業事務獎章得主」，藉此彰顯各界菁英戮力於客家文化努力耕耘的奉獻精神，並特別表揚與感謝3家獲得「多元文化企業社會責任客語友善企業獎」的企業，包括遠東百貨位於竹北的分公司，每日早晚客語播音，同時鼓勵員工參與客語認證，用母語服務在地鄉親；全家便利商店則舉辦小小客語店長活動，從招呼語到收銀結帳皆用客語進行；中華郵政除推出客家節慶郵票，全國各地135間郵局服務人員（含志工）可提供客語服務，營造客語友善環境。遠東百貨竹北店店長徐為興、全家整合行銷部副部長吳欣穎、中華郵政集郵處處長鄭麗華領獎時皆表示，非常感謝客委會給予的肯定，未來會繼續傳承客家文化，營造客語日常使用環境，共同拓展客語成為生活語言。

客委會為紀念1988年12月28日「還我母語運動」對於客家語言文化復興及臺灣多元文化發展之深遠影響，於111年公告訂定為「全國客家日」。今日的紀念活動特別結合客家貢獻獎表揚典禮，同時發布「一代人救轉客話政策綱領」，以30年內恢復客語語言活力至安全等級為總目標，希望完備機關法規，明確政府機關權責，透過公私協力並結合相關措施，30年後讓客語使用人口占客家人口之比率，提升至70%的安全等級。

當天全臺有18個縣市政府及鄉鎮區公所共同響應發起「全臺共下講客」推廣遊行，透過轉播，希望讓大家深刻體認35年前客家有志之士走上街頭，大聲疾呼「還我母語」的精神，從自身做起「𠊎講客，講，就著了！」，進而發揮種子角色，在社區帶動周邊的人講客語，共同推動客語社區營造工作。

客委會因應今年首度推動的「客語新校歌運動計畫」，也在活動中特別邀請客家歌手劉劭希、羅文裕帶領小朋友用客語唱出新時代个聲音，進駐校園創作客語新校歌，提升學生對母語的認同。另外，在「少數族群語言論壇」，邀請國立中央大學王保鍵教授、國立政治大學王雅萍教授、國立臺灣師範大學張素貞教授，共同探討如何透過推動母語的經驗，激盪出復振客語的政策新方向。

圖1 賴清德副總統致詞.jpg

圖2 客委會楊長鎮主委致詞.jpg

圖3 全體大合照.jpg

圖4 大家共下呼口號「亻厓講客講，就著了」.jpg

圖5 客委會表揚87位「2023客家專業事務獎章得主」.jpg

圖6 客語友善企業頒獎合照.jpg

圖7 客委會推動「客語新校歌運動計畫」，邀請客家歌手劉劭希帶領小朋友用客語唱出新時代个聲音.jpg

圖8 客委會推動「客語新校歌運動計畫」，邀請客家歌手羅文裕帶領小朋友用客語唱出新時代个聲音.jpg