【客華雙語】連3年破萬人開唱！客家歌謠北區首發成果揭曉
發佈日期： 2025-11-18
發佈單位： 客家委員會
原始連接： https://www.hakka.gov.tw/chhakka//app/data/view?module=hotnews&id=25&serno=0bf3edf8-5a0e-4c2e-8b36-099b286d5f23
【客語版】
踏入競爭激烈个比賽現場，客家委員會副主任委員邱星崴16號去國立中央大學大禮堂參加「2025客家歌謠交流觀摩賽--一般組北區比賽過頒獎典禮」，除了代表古秀妃主委感謝所有參加比賽个隊伍、評審摎工作人員，乜鼓勵大家續等摎心肝肚个客家旋律透過比賽大聲唱出來，唱到心肝活活開。
邱副主委指出，唱山歌對客家人來講係當重要个事情，因為該係大家在山頂、田肚、菜園个勞動過後，表達內心誠懇感情个一種文化，希望做得透過比賽，分還較多个長輩鄉親唱出心肝肚个話，這乜係客委會連連續續辦理比賽个原因。
客家歌謠交流觀摩賽對2019年開辦以來既經行入第7年咧，今年總共有差毋多500隻隊伍踴躍報名，參加比賽个人數超過1萬2,000儕，又一擺創造恁多年來个新高，單單北區斯餳來208隊報名、超過5,100儕參加比賽，係各區个第一名；成員對5歲到96歲，對童聲到長輩世代共下唱，呈現客家歌謠薪火相傳个力量，乜表示深耕全臺灣客家社區个熱度摎頭擺共樣全無減少。
北區係全台灣第一場比賽，隊伍來自基隆、台北、新北過新竹縣市這兜地方，經過激烈比賽摎專業評審，最尾係台北客家鄉音合唱團隊爭取著特優獎；優等獎由新竹縣客家傳統文化推展與研究協會、新竹縣新埔鎮快樂頌客家歌謠協會、桃園知音合唱團、新竹市新東聖母會得著，唱出北部客庄社區个豐富內涵摎多元曲風。
跈等北區个比賽，東區在11月22上場，中區比賽就在11月28到30舉行，最精彩个南區摎進級組比賽就在12月初6到初7隆重上場，四區連動、薪火相傳，繼續客家音樂个熱度摎感動。
【華語版】
踏入競爭激烈的賽事現場，客家委員會副主任委員邱星崴今（16）日前往國立中央大學大禮堂參與「2025客家歌謠交流觀摩賽-一般組北區賽事及頒獎典禮」，除代表古秀妃主委感謝所有參賽隊伍、評審及工作人員，亦鼓勵大家持續將心裡的客家旋律透過比賽大聲唱出來，唱到心花開。
邱副主委指出，唱山歌對客家人來說是很重要的事情，因為那是大家在山上、田裡、菜園的勞動過後，表達內心真摯感情的一種文化，希望能透過比賽，讓更多的長輩鄉親唱出心裡話，更是客委會持續辦理比賽的原因。
客家歌謠交流觀摩賽自2019年開辦以來已邁入第7年，今年共近500個隊伍踴躍報名，參賽人數超過1萬2,000人，再次創下歷年新高，單看北區即吸引208隊報名、逾5,100人參賽，為各區之冠；成員橫跨5歲至96歲，從童聲到長輩世代齊唱，展現客家歌謠薪火相傳的力量，也顯示深耕全台客家社區的熱度依舊不減。
北區作為全台首場賽事，隊伍來自基隆、台北、新北及新竹縣市等地，經激烈角逐與專業評審，最終由台北客家鄉音合唱團隊奪得特優獎；優等獎則由新竹縣客家傳統文化推展與研究協會、新竹縣新埔鎮快樂頌客家歌謠協會、桃園知音合唱團、新竹市新東聖母會獲得，唱出北部客庄社區的深厚底蘊與多元曲風。
接續北區賽事，東區將於11月22日登場，中區賽事則在11月28日至30日舉行，南區及進階組則於12月6日至7日壓軸登場，四區聯動、薪火相傳，延續客家音樂的熱度與感動。