【客華雙語】承蒙客庄鄉親把「吃的記憶」留下 古主委赴粄食嘉年華用行動挺粄條文化
發佈日期：2024-11-11 00:00:00
發佈單位：客家委員會
發佈部門：
原始連接：https://www.hakka.gov.tw/chhakka//app/data/view?module=hotnews&id=25&serno=875d3c27-0214-4b32-9383-e0fee0cf0f96
【客語版】
客家委員會主任委員古秀妃今（9）號去新竹縣新埔鎮藝文廣場，摎新埔鎮陳英樓鎮長、新竹縣政府交旅處副處長張淇銘還過縣政府團隊，共下摎鄉親參加「粄食嘉年華」活動。古主委指出，雖然南北部在食粄條摎面帕粄个習慣還過名仔都無共樣，毋過嗄發現著，這做下係對大家細人仔時節食个記憶來个，乜安到文化傳承，所以特別感謝全臺灣个客家鄉親續等摎該份「食个記憶」留下來。
古主委乜表示，各地米食个味緒雖然無幾共樣，毋過有一隻共樣个地方斯係，客人通棚都當友善、熱情又起客，不管在哪位堵著客人講客話都非常親切，所以這乜係𫣆俚共同个記憶。另外，新埔鎮陳鎮長特別感謝客委會支持粄條節摎地方建設，古主委乜講，這兜就係中央摎地方共下合作个成果，客委會个角色斯係分客庄鄉鎮還過居民有機會摎客家文化一代接一代傳承下去，同時滿足鄉親需要、回饋地方、共下成就客庄个發展。
新竹縣政府聯合新埔鎮內出名个粄食店頭家共下來參加，展覽特色粄條美食，現場毋單淨有社區、社團表演，乜提供特價優待、粄條製作示範、買賣場所這兜活動，分民眾了解粄條製作過程摎食品安全知識，認識新埔客庄粄條節个米食文化。今晡日參加个貴賓還包含立委徐欣瑩、范雲助理李美燕，摎新竹縣議員呂宛庭過范曰富、新埔鎮公所摎代表會恁多儕，非常鬧熱。
另外，新埔鎮公所乜特別開發出「新埔鎮粄食地圖」，推銷鎮內43家粄條名店。古主委還在今晡日食晝時間去拜訪其中一家老店共下食粄條，用行動大力支持客家粄條文化，乜希望在地居民摎來遊覽个人都做得認識還過支持當地个粄食業主，享受最有代表性个客庄風味。
-------------------------------------
【華語版】
客家委員會主任委員古秀妃今（9）日赴新竹縣新埔鎮藝文廣場，與新埔鎮陳英樓鎮長、新竹縣政府交旅處副處長張淇銘及縣府團隊，共下同鄉親參與「粄食嘉年華」活動。古主委指出，雖然南北部在吃粄條及面帕粄的習性和名稱都不同，但卻能發現，這都是源自於大家小時候吃的記憶，也叫做文化傳承，所以特別感謝全臺灣客家鄉親持續把那份「吃的記憶」留下來。
古主委也表示，各地米食味緒雖然不一樣，但是有一個共通點就是，客家人都很友善、熱情又好客，不管在哪裡遇到客家人講客話都非常親切，所以這也是我們共同的記憶。另外，新埔鎮陳鎮長特別感謝客委會支持粄條節及地方建設，古主委也說，這些就是中央和地方共下合作的成果，客委會的角色就是讓客庄鄉鎮及居民有機會把客家文化接力傳承，同時滿足鄉親需求、回饋地方、共同成就客庄的發展。
新竹縣政府串聯新埔鎮內知名粄食店家共同參與，展示特色粄條美食，現場不只有社區、社團表演，也提供特價優惠、粄條製作示範、市集等活動，讓民眾了解粄條製作過程和食安知識，認識新埔客庄粄條節的米食文化。今日參與貴賓也包含立委徐欣瑩、范雲助理李美燕，及新竹縣議員呂宛庭與范曰富、新埔鎮公所及代表會等人，十分熱鬧。
另外，新埔鎮公所也特別推出「新埔鎮粄食地圖」，行銷推廣鎮上43家粄條名店。古主委更於今日午餐時段到訪其中一家老店共下食粄條，用行動力挺客家粄條文化，也盼在地居民及遊客皆能認識並支持當地粄食業者，享受最具代表性的客庄風味。